اطمني يا مصر
مصر حبيبتي سامحيني بعدت عنك
حرمتني الظروف ان اسكن جوا قلبك
اني ابوس ترابك كل ما اقابلك
اني اتنفس هواكي واغنيلك غناكي
اني لما ابكي اجري لحضنك والقاكي
ولما افرح تغنيلي ترقصيلي تفرحيلي
وبصوت عالي تزغرتيلي
امال ايه
مش انتي امي ولا ايه
ناس كتير بيسخروا من احساسي يا مصر بيكي
مش عارفين اني اعمل المستحيل بس ارضيكي
اديكي يا حبيبتي عمري وبدمي انا افديكي
انا فخورة اني منك اني بنتك
اني اتولدت و عشت جوا منك
عايزة اقولك يا مصر متخافيش
متتهزيش من الجواسيس والخفافيش
دول ناس حاقدة ناس منفوخة من مفيش
ناس تبيع نفسها لاجل الفلوس او حتة حشيش
قابلين بالخيانة عشان عدو بيرميلهم بقشيش
انا جنبك يا مصر ومش هسيبك
في 77 مليون بيحموا ارضك و نيلك
اطمني يا مصراطمني حبيبتي بحبك
***
تاليف اسماء عايد
**
كتبتها العام الماضي حين سمعت خبر الجاسوس المصري - خريج الهندسة الذي يعمل لحساب اسرائيل
ليست هناك تعليقات:
إرسال تعليق