عباس مسك ف ايده فاس
لانه مقبلش انه ينداس
عباس اينعم معاه الدبلوم
بس بمشاكل بلده مهموم
عباس ... ف ايده زرعة حلوة
و كلامه ف ودني ولا ايوها غنوة
يا ناس عباس لم خلاص المحصول
وجه كلم امّا و ابوي علي طول
عباس بيقولي:انا بحب مصر يا بهية
عايزها تبقي قيمة و سيما و غنية
عباس بيقضي يومه كله ف الغيط
بيتوحشني بروحله ويقولي بلاش عييط
عباس كمان خلاني اروح محو الامية
و دلوقتي بفك الخط زي اخته سنيه
عباس قالي عايزين نخلي مصر احسن بلد
عشان كدا كفايا نخلف بنت واحدة او ولد
و فاهمني ان فايدتنا مش ف كترتن
ا الاهم ادينا ف ايد بعض و ننظم عشتنا
***
قام بدور بهية / اسماء عايد ( من تأليفي)
الموضوع بجانب الشكل الفكاهي و اللهجة الريفية اللي انا عن نفسي بحبها لان ليا قرايب كتير هناك( و بتقن بردو اللهجة الصعيدية لان اتربت وسط ناس كتير من جيرانا كانوا صعايدة )
الموضوع طبعا معناه واضح :
ا) نبقي ايد واحدة و ان شاء الله البلد تتحسن
2) محدش يستقل بدوره ايا كان موقعه في المجتمع3
) الذكاء و الحكمة مش بالشهادات و الدليل البطل "عباس"
4)نحاول نمحي مشكلة الامية عند الناس الكبار اللي عدا بيهم العمر من غير علام.. لان زمان كانت الظروف و الوسائل غير متحة زي دلوقتي
هناك 4 تعليقات:
اسلوبك بسيط وجميل وكلامك هاديئ وهادف
ربنا يخليكي يا قمر علي اهتمامك الدائم بكتاباتي البسيطة .. و انتي اجمل من كل الكلام اللي كتبته و اللي لسه مكتبتهوش كمان ...
اختك في الله /اسماء
جميل يا بهيه يووووووووه قصدي يا اسماء
بحبك جدا لما تستخدمي اسلوب فكاهي سلس لايضاح فكره كبيرة وعامة
دمتي في ابداع
الله يكرمك يا بتعة ياختي.. دنا بحبك جوي جوي.. جومي اعمليلي شاي في الخمسينة يا بت يا منال و نادي هالة و اميرة بالمرة يجعدوا يمتنا هنا ع المصطبة.. ديه دي ههههههههه
إرسال تعليق